Մասնակիցներ՝ Հարավային դպրոցի տարատարիք ճամբարականներ
Պատասխանատուներ՝ Լուսինե Նազարյան և Մ
Լուսինե Սարգսյան
Օրը՝ հունվարի 16֊27֊ը
Վայրը՝ Հարավային դպրոց-պարտեզ
Նպատակը և խնդիրները՝
- իրականացնել համատեղ մարզական խաղեր տարատարիք ճամբարականների հետ
- Նպաստել առողջ ապրելակերպի զարգացմանը
- Նպաստել դիմացկունության, ճարպկության, ցատկունակության, արագավազության, շարժունակության զարգացմանը
- Նպաստել ուշադրության, հիշողության կենտրոնացմանը
- Նպաստել համագործակցային, խմբային կարողությունների զարգացմանը
Անհրաժեշտ պարագաներ՝
- Գնդակներ
- Օղակներ
- Բուլավաներ
Մարզական խաղերը մեծ հետաքրքրություն են առաջացնում սովորողների մոտ: Մարզական խաղերը նպաստում են սովորողների ֆիզիկական ակտիվության և ճկունության զարգացմանը, խաղերի շնորհիվ նրանց օրը դառնում է հետաքրքիր և հագեցած: Խաղերը ընտրվում են հաշվի առնելով սովորողների տարիքը և մարզական հետաքրքրությունները:
Մարմնամարզական վարժություններ
Շարում տողանով, միասյուն: Կատարել տեղում քայլով մարշ, հրամանը անպայման սկսել ձախ ոտքից:
Ընդհանուր զարգացնող վարժություններ հիմնական կանգ՝ կրունկները միասին, ոտնաթաթերը բռունցքի չափով զատած, ձեռքերը կիսաբռունցք կոնքերի մոտ: Ձեռքերի հիմնական դրություններն են՝ / ձեռքերը ներքև, առաջ, կողմ, վերև, ծոծրակին, գլխին, գոտկատեղին, մեջքին, ետ / , ոտքերի հիմնական դրություններն են՝ / ոտքը ձգած ուղիղ առաջ ոտնաթաթը գետնին, կողմ ոտնաթաթը գետնին, ետ ոտնաթաթը գետնին, ոտքը ուղիղ բարձրացնել առաջ, կողմ, ետ, բարձրացնել ծալած վեր/, մարմնի հիմնական դիրքերն են՝ /բարձրանալ ոտնաթաթերին, հենվել ծնկներին, կքանստել/, իրանի թեքումներ /առաջ, հետ, աջ, ձախ/: Նստել հատակին, բացել ոտնաթաթերը, ոտքը կպցնել որովայնին, ճակատին, հասցնել պարանոցին։ Ոտքերը միացրած ձեռքերը հասցնել ոտնաթաթերին, լայն բացել ոտքերը և ձեռքերով հասնել ոտնաթաթերին՝ առանց ծնկները ծալելու՝ աջ, ձախ, մեջտեղ։
Թիթեռ
Կողով
Ճոճք
Կամուրջ
Գլուխկոնծիներ՝ առաջ, հետ
Վարժություններ մարզանստարանի վրա՝ մագլցում և սողանցում, քայլք՝ ձեռքերը կողք տարածած
Մարզական խաղերի նկարագրություններ՝
- Սովորողները բաժանվում են երկու խմբի, որից հետո յուրաքանչյուր խմբին հատկացվում են մի քանի օղակներ: Յուրաքանչյուր խմբում սովորողներից մի քանիսը բռնում են օղակները, իսկ մնացած մասնակիցները ըստ հերթականության անցնում են օղակների միջով ՝ առանց դիպչելու: Կհաղթի այն խումբը, ով առաջինը կհասնի պատին:
- Սովորողները բաժանվում են երկու խմբի, որից հետո ներկայացնում ենք խաղի կանոնները: Այնուհետև սովորողները պետք է իրենց առջև շարված օղակների միջով ցատկելով հասնեն և դիպչեն վերջում դրված բուլավաներին: Կհաղթի այն խումբը, ով առաջինը կհասնի բուլավային և կպահպանի խաղի կանոնները:
- Բաժանվել երկու խմբի։ Առաջին կանգնածները վազում են մինչև եզրագիծը, վերադառնում, բռնում իրենցից հետո կանգնած ընկերոջ ձեռքը և նորից վազում, հետո ավելանում է երրորդը, չորրորդը․․․
Արդյունքը՝
- Ֆոտոպատումների, պատումների, տեսաֆիլմերի ստեղծում, հրապարակում բլոգում: