Կրթահամալիրում հոկտեմբերի 22-26-ը նախագծային ուսուցման շաբաթ և մենք հանդես կգանք բնագիտական նախագծերով։
Մասնակիցները՝ Հարավային դպրոցի 2-1 դասարանի սովորողներ
Կրտսեր դպրոցում բնագիտության դասերը դիտվում են որպես պարզագույն բնագիտական փորձերի շարք: Բնագիտության դասերն առանձնահատուկ են իրենց կազմակերպման ընթացքով, ձևով ,բովանդակությամբ: Բնագիտական փորձերը համապատասխանում են երեխայի տարիքին և հետաքրքրություններին: Դրանք կիրառման համար պարզեն և մատչելի, օգտագործվող առարկաները և նյութերն անվտանգ են: Բնագիտական գործունեությունը սովորողի ուսումնական գործունեության բաղկացուցիչ մասն է կազմում , ձևավորում է սովորողների մոտ տարրական հմտություններ, տարալուծվում ընդհանուր ուսումնական պրոցեսի մեջ: Բացի այդ, երեխան բնագիտական գործունեություն կատարելիս դառնում է հայտնագործող, ինքն է հայտնագործություն կատարում , ապրում է իմացումի մեծ հրճվանք և ուրախություն:
Նպատակ
- Դիտողականության, շրջապատում օրինաչափություններ կատելու դիտարկելու, վերլուծելու կարողության զարգացում
- Բնագիտական փորձի հիման վրա բնագիտության մասին տեղեկությունների հաղորդում
- Պարզագույն փորձերի կազմակերպում և իրականացում
- Երևույթներին հետևելու, հետևություններ անելու հմտությունների ձևավորում
- Հետազոտության, փորձի միջոցով իրեն անհրաժեշտ տեղակատվության ձեռք բերում
Խնդիրները
- Փորձերի ընթացքն ու արդյունքները գրանցելու կարողություն ձևավորել
- Հարցեր ձևակերպել, առաջադրել և դրանց պատասխանները գտնել
- Ճանաչել կարևոր տեղեկություններ, բացատրել տվյալները սեփական բառերով
- Դասակարգել և համադրել կարևոր տեղեկությունները, փաստերը
- Ձևավորել փորձերի ժամանակ անվտանգության պահպանման կանոնների կարողություն
- Դատողություն անել տեղեկությունների մասին
- Դիտարկումների հիման վրա կատարել եզրակացություններ
Փորձը կատարելուց հետո երեխաները կարող են փորձի մասին գրել, պատմել ՝ օգտագործելով հետևյալ հարցադրումները, առաջադրանքները:
Փորձի նկարագրություն
Անհրաժեշտ է մեծ ապակե բանկա, ձու, ջուր,թեյի գդալ և աղ:
Բանկայի կեսը լցնում ենք ջրով: Հում ձուն իջեցնում ենք բանկայի մեջ: Կտեսնենք, որ այն անմիջապես կսուզվի: Այնուհետև հանենք ձուն: Ապա ավելացնենք ջրի մեջ 2 թեյի գդալ աղ լցնենք և լավ խառնենք: Ձուն նորից իջեցնենք ջուրր: Հետո կտեսնենք ինչ կստացվի:
Փուչիկները
Փչենք երկու հատ փուչիկ: Դրանք էլեկտրականացնենք թերթով`թերթը քսենք փուչիկների վրա,հետո փուչիկները երկար թելերի վրա կախենք :Փուչիկները կսկսեն փոխադարձաբար իրարից հեռանալ:Նույն փորձը կրկնենք , բայց այս անգամ առաջին փուչիկը էլեկտրականացնենք թերթով , իսկ երկրորդ փուչիկը` բրդյա կտորով: Այս դեպքում փուչիկները կձգվեն դեպի իրար: Եթե այդ փուչիկներին սեղանին դնենք և մեկին գլորենք , ապա երկրորդը անմիջապես կգլորվի առաջինի ետևից:Առաջին դեպքում 2 փուչիկները միանման ձևով էին լիցքավորված, իսկ երկրորդ անգամ ` տարբեր:
Պարող օղակները
Թափանցիկ բաժակի մեջ լցնենք/ касторовое масло/ գերչակի ձեթ: Առանց շտապելու այդ ձեթի մեջ կաթեցնենք սովորական ջրաներկով ներկված ջրի 1 կաթիլ: Գերչակի ձեթի և մաքուր ջրի խտությունը պրակտիկորեն նույնն է : Կաթիլը դանդաղորեն կիջնի բաժակի հատակը:Եթե օգտագործենք ջրաներկի տարբեր գույներով ստացված լուծույթներ ,ապա բաժակում ձեթի հետ միասին առաջանում է մի տեսարան ,որը հիշեցնում է կախված գունավոր փուչիկների:
Օղակները
Վերցնում ենք փոքր բանկա և մարգանցովկան լուծում ենք այդ բանկայի մեջ : Լուծույթը պետք է դառնա մուգ-մանուշակագույն :Վերցնում ենք մեկ այլ ապակե բանկա և ջուր լցնում :Այնուհետև վերցնում ենք կաթուցիչ: Դրանով պատրաստված լուծույթի մի քանի կաթիլ կաթեցնում են մաքուր ջրով լի բանկայի մեջ/ պահում ենք 1-2 սմ ջրից վեր / Կաթուցիչի ծայրը չպետք է տատանվի: Կաթիլը ընկնելով ջրով լի բնակայի մեջ ,վերածվում է օղակի ,որը ընկնում է բանկայի հատակը ,աստիճանաբար չափի մեջ մեծանալով :